Inconsciente - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Inconsciente
- En xeral, enténdese por inconsciente aquela parte da vida psíquica do individuo da que este non ten conciencia ou coñecemento actual. En filosofía, a partir sobre todo de Leibniz, o inconsciente foi visto como "o outro" da conciencia, (coa que se adoitaba identificar o "eu"), e ao que se considerou, xa como antagonista da conciencia, xa como límite ou elemento diferenciador.
O termo, non obstante, está asociado preferentemente á psicanálise de Sigmund Freud, para quen se poden distinguir tres instancias no psiquismo humano: o "iso", o "ego" e o "superego". Freud asimila o "iso" ao inconsciente, que é considerado como o conxunto de contidos psíquicos que non puideron acceder á conciencia, e cuxa actividade queda rexida por principios que non se axustan ao principio de realidade, (principio polo que se rexe a conciencia), senón a principios máis primarios, alleos ás normas e valores polos que se rexe a realidade.